Thursday, February 21, 2013

Review: Rimmel London Stay Matte Pressed Powder ريفيو باودر ستاي مات من ريميل







مرة كنت متحمسة أجرب هذه الباودر لأن مافيه أحد من البيوتي بلوقرز بالنت إلا وتكلّم عنها!.. 
خصوصا Tanya Burr دايما تمدحها وتعتبرها الباودر المفضلة عندها ومن فترة كان فيه عرض بصيدلية بووتس عالمكياج وإستغلّيت الفرصة وأخذتها أجربها.. 
تكلمت عنها قبل بالفيفورت الشهر اللي فات وقلت راح أسويلها ريفيو خاص :)

الباودر معدنية و pressed يعني باودر حُرّة مكبوسة وجدا خفيفة ، فكرتها ماتعطي تغطية بس مخصصة للتثبيت وتخفيف اللمعة وتعطي لوك مطفي للبشرة لمدة ٥ ساعات ، فيه منها أعتقد ٥ أو ٦ درجات الدرجة اللي أخذتها شفافة مالها لون Transparent 001
اللي لاحظته إنها فعلا زي ماهو مكتوب عليها ثبتت المكياج بشكل حلو وخفيف وماهي باودري أو اللي كأنها طحين عالبشرة بالعكس مرة طبيعية.
أعطتني لوك مطفي تماما خصوصا بالتي زون (الجبهة والأنف والدقن) وخففت اللمعة لوقت طويل ، ممكن حتى لو بشرتك جدا دهنية وتدهن بعد كم ساعة ترجعي تحطيها بطريقة التربيت بس عالمناطق الدهنية وماراح تتكتل.
إستخدمتها لتثبيت الكونسيلر تحت العين وثبتت الكونسيلر بشكل بيرفكت ، أحسها بالصيف راح تكون  صديقتي الدائمة *-* 
جدا أنصح فيها للبشرات المختلطة/الدهنية وأعتقد بما إنها تعطي نتيجة مطفية ممكن ماتناسب البشرات الجافة!

الدرجة شفافة مع إن بالعلبة مبينة فاتحة حتى لمّا توزعيها عالبشرة ممكن تحسيها بيضا بس بعد كم دقيقة تندمج مع البشرة ويصير مالها لون.
سعرها مرة حلو (٣٥-٥٠ ريال تقريبا) وجودتها عالية وهذه أحلى ميزة فيها.

عيبها الوحيد التعليب مرة سيء ورخيص! الغطا بلاستيك ويتفك بسهولة يعني ماأقدر أخذها معايا بالشنطة وأتوقع أقل طيحة راح تتفتت وتنكسر :/

 This is a great affordable setting powder I use it on my oily T zone and under my eyes to set my makeup. It mattifies the skin and keeps the shine away for a long time and if you have oily skin I think you'll maybe need to touch up only once throughout the day! It gives a very natural finish doesn't look cakey or powdery at all. I think this powder will be my best friend in the summertime!! 
 I highly recommend it if you have oily/combination skin, for dry skin I think it would look a bit chalky due to the matte finish! :)
The only downside is the horrible cheap packaging!! I can't keep it in my bag because the lid comes off very easily! I hope they will improve the packaging because the product is amazing.

11 comments:

  1. حتى انا استغرب كثر مدحها لها
    كم مره بجي اجربها واهون لانه عندي اصلاً

    ReplyDelete
  2. تنفع للكونتورينق؟؟

    ReplyDelete
    Replies
    1. لا هي باودر تثبيت ومالها درجات غامقة عشان تسوي فيها كونتور.

      Delete
    2. شكرا يا عسل
      طيب هولا من بينيفت تنفع ؟؟
      أو رشحي لي بودرة تنفع للكونتور لأني محتارة وأنا أثق في رأيك

      Delete
    3. إيوة هولا من بينيفت ينفع لأنه مطفي وبارد
      وبودرة كونتور أنا أحب باليت الكونتور من ميك اب فوريفر درجة ٢ مررة تعجبني والدرجة بيرفكت للكونتور ❤

      Delete
    4. الله يسعدك يارب :-)

      Delete
  3. حلووو كثير الريفيو
    قريت عنها كثير
    بس شكل العلبة ضل حاجز بيني وبينهااا
    فلو ابيها للتثبيت يعني ح اخذها معاي
    وهي ابدا مو عمليه لهالشئ

    شكرااا ياقمر

    ReplyDelete
  4. ريميل بشكل عام عندهم منتجات جميلة بس تعليبهم مش ولابد ! =( حتى انا دائما استخدم هالبودرة وانصح فيها =)

    ReplyDelete
  5. You ought to take part in a contest for one of the highest quality
    blogs online. I'm going to recommend this blog!

    my blog :: appliance repair tampa rates

    ReplyDelete
  6. إيش بودرة التثبيت اللي تنصحين بها للبشرة الجافة وتكون معقول سعرها او متوفره عندنا؟

    ReplyDelete
  7. إيش بودرة التثبيت اللي تنصحين بها للبشرة الجافة وتكون معقول سعرها او متوفره عندنا؟

    ReplyDelete

Related Posts Plugin for WordPress, Blogger...