Tuesday, June 11, 2013

May Favorites 2013 مفضلات شهر مايو






المفضلات اليوم كالعادة حاسة إني ناسية أشياء لأني كنت مشغولة وماكتبتهم لول
بس تقريبا هذه الأشياء جربتها أو إكتشفتها بشهر مايو وحبيتها جدا عشان كذا صارو بالمفضلات.



بتكلم أول شيء عن مفضلات العناية بالجسم.

شنطة الأظافر من مكياجي
تكلمت عنها قبل بس حبيت أتكلم عنها مرة ثانية لأني تقريبا كل أسبوعين أستخدمها
جميلة ومرتبة وفيها كل شيء تحتاجيه للأظافر والحواجب، سعرها حلو ب١١٩ ريال

مجموعة صبايا بارادايس من مكياجي
شاور جل ولوشن وعطر ريحتها ناعمة ونظيفة وباردة حبيتها جدا للدوام
بالنسبة للثبات حلو ثباتها خصوصا وإني أستخدمهم مع بعض عشان أزيد الثبات.

كريم مرطب لليد من باث ن بودي ووركس
هذا الكريم ماأحسه يعطي أي عناية أو ترطيب 
بس إنه جميل لمن أطلع لأنه ينعم اليد ويعطي ريحة جميلة. 

ديودرنت من دوف
ريحته صابون نظيفة ومنعششة حبيته وأول مرة أستخدم من دوف عجبني جدا.

مرطب شفايف من EOS
ترطيبه حلو أحب أحطه قبل الروج وطعمه لزيز تلاقوه أون لاين 
وبمتجر فانيلا http://vanillaeshop.com/

مفضلات المناكير
لون جميل من ماركس وسبنسر إسمه English Rose علقت عليه لمدة أسبوعين لول
لونه بينك بارد جميل نفس روج Pink Nouveau من ماك 
أحب هذا اللون مرة أنثوي
ونفس نوعية المناكير حلوة لونها قوي وتنشف بسرعة.

 مفضلات المكياج

MAC Stereo Rose MSF
ببدا بحبيبة القلب الستيريو روز من ماك اللي كنت أبغاها ومانزلت عندنا بس جاتني لحدي لول p;
لونها جمييييل جدا رائع وردي طبيعي على شوية برونزي مع لمعة
مادري ماك كيف يسوونها الmsf حقتهم يخلطون فيها ألوان مع لمعة ويطلع شيء واو *ـ*
 تعطيني لوك صحي ولون حلو أستخدمها كبلاشر وهايلايتر بنفس الوقت مرة أدمنتها.
أنا أضمنلكم إن ماك بينزلونها مرة ثانية وراح أذكركم فيها لأنها شيء جميل ونزلت كذا مرة.

MAC Brow Due And Brow Pencil
لمن نزلت هذه الكولكشن تكلمت عنها بإنستغرام جدا جميلة كلها مخصصة للحواجب
أخذت منها باليت الباودر وقلم للحواجب البنية مريحين بالإستخدام 
خصوصا القلم وأنا بالسيارة أسوي حواجبي وأرتبها بالفرشة اللي معاه xp

MAC Pressed Pigments
مجموعة نزلت قبل الحواجب ومع مجموعة Apres chic كلهم كتبت عنهم بإنستغرام *على فكرة المهتمة بكولكشز ماك عندنا تتابعني على إنستغرامي TheArtisticHands دايما أنزل الأبديت أول بأول p;*
 البريسد بيجمنت هي نفس الشدو البيجمنت المنثور بس مكبوس بعلبة
 لمعتة جميييلة جدا والبيجمنت من الأشياء اللي أعشقها بماك 
أكثر درجة حبيتها منهم لون Blonde Streak لونه لؤلؤلي على ذهبي يشبه نايلون بس لمعته أقوى وفيه غليتر
ولمن أستخدمه مع فكس بلس يصير شيء رائع وجدا جميل بالسهرات.

أخر شيء بالميك اب 
محددات شفايف من ريميل 
لون أحمر إسمه Red Diva ورقمه 024
لون عنابي إسمه Cherry Kiss ورقمه 071
جميليييين جدا بالنسبة ليا المحدد شيء ماأستغني عنه لازم أستخدمه وأحيانا أكتفي فيه مع مرطب أو قلوس
وهذه النوعية من المحددات جدا تعجبني لأنها كريمية وثابتة ولونها قوي
مرة أنصحكم تجربونها محددات ريميل رائعة.


ومفضلات الأكل 

حلاوة الكورن فليكس من سعد الدين ماأدري ليش ماإكتشفتها إلا دحين لول
مرة لزيزة *-*




لو حسيتو البوست شوية سريع لأني لازم أخلصه بهالساعتين هذا الوقت الوحيد اللي فاضية فيه لول 
وإن شالله تكونو حبيتو المفضلات وشاركوني رأيكم لو جربتو أي شيء من المنتجات اللي تكلمت عنها :*


2 comments:

  1. صحيح انه سريع بس مرتب و واضح ما شاء الله

    ~ توافيق

    ReplyDelete
  2. تشوكلت سعد الدين خفيف مررة. بس عيبه بسرعه يتفتت لو مو متخزن صح
    شكراً استمتعت بقراءة البوست

    ReplyDelete

Related Posts Plugin for WordPress, Blogger...