Wednesday, October 30, 2013

My Full Foundation Routine ❤ Laura Mercier Silk Creme Foundation Review روتيني الحالي بالفاونديشن وريفيو سيلك كريم فاونديشن من لورا مرسييه








اليوم البوست راح يكون عن روتيني الكامل بالفاونديشن وأقصد فاونديشن السهرة والتغطية العالية
وبنفس البوست حبيت أسوي ريفيو بسيط عن فاونديشني الجديد من لورا مرسييه ❤


للمعلومية بشرتي مختلطة/دهنية معرضة للحبوب وماعندي مشاكل الحمدالله ودرجتي حنطية متوسطة.

أول خطوة وتكلمت عنهم قبل تحضير البشرة للفاونديشن
مايحتاج أقول قد إيش مهمة هذه الخطوة، مستحيل يبين الفاونديشن ناعم ونظيف بدون ماتحضري بشرتك كويس قبل المكياج :)



أبدأ بتقشير البشرة وأستخدم الفولكانك آش من ماك سويتله ريفيو كامل هنا
أنا أستخدمه بشكل أسبوعي ودايما مخليته بالويكيند لأن أغلب طلعاتي اللي أحتاج أحط فيها مكياج بالويكيند p;

وقبل المكياج لازم أرطب بشرتي أستخدم Mineralize Charged Water
جدا مناسبني ومرتاحة عليه، نوعه جل ويرطب البشرة بشكل جميل جدا بدون أي أثر دهني.

وبما إنه بشرتي تميل للدهنية لازم أستخدم برايمر ، اللي أستخدمه حاليا Prep+Prime Skin Base Visage من ماك
عشان يثبت الفاونديشن وقت أطول.


Laura Mercier Silk Creme Foundation


الفاونديشن مايمزحو لما قالو فل كفرج لول!
 بعض الفاونديشنز تلاقيهم كاتبين فل كفرج ويكون تغطيته ميديم/فل بس هذا لا تغطيته جدا عالية
ميزته إنه كريمي ويعطي نضارة بسيطة للبشرة يعني مو مطفي بس مو مرة ديوي
وحبيت هذا الشيء عشان مايبين مرة ثقيل عالبشرة
يناسب كل البشرات ويثبت وقت طويل ولأن بشرتي دهنية أحتاج أثبته ببودرة عشان ماتبين بشرتي مدهنة بعد كم ساعة

درجتي Sand Biege أول مرة أجرب فاونديشن من لورا مرسييه وماعندي أي خبرة بدرجاتهم وخليت الخبيرة في بلومينغديلز تختارلي والحمدالله زبطت.

علبته عصار تتحكمي بكمية المنتج اللي تبغيها وعملية جدا مو قزاز تنكسر ولا تحوس الشنطة بالسفر.

أوزعه بالبفنغ برش من ريل تكنيك، أشوفها أفضل طريقة لتوزيعه لأنه يحتاج يندمج كويس مع البشرة
ومو شرط بس حقة ريل تكنيك أي نوع بفنغ برش عندك من أي ماركة ثانية راح تعطي نفس النتيجة.


Concealer & Highlighter


الكونسيلر أستخدم Prolong Wear من ماك درجة nc35
نفس درجتي لا أغمق ولا أفتح، هالاتي مو مرة قوية والكونسيلر تغطيته عالية وكافية بالنسبة ليا
أوزعه بفرشة سيقما E40 أسفة نسيت أصورها بس تكلمت عنها بتدوينة الفرش
أدمج فيها الكونسيلر كويس تحت عيني.

وبعدها أوزع الهايلايتر الرائع من ماك Prep and Prime in Light boost
فيه منه ٣ درجات وحدة على وردي تناسب البشرات البيضا والحنطية الفاتحة، ووحدة على أصفر هي اللي عندي لايت بوست تناسب البشرات المتوسطة، والأخيرة على مشمشي بيرفكت للبشرات السمرا.
أوزعه على شكل مثلث تحت العين وعلى جسر الأنف وبين الحواجب وفوق الشفايف
نفس هذا الشكل



وأدمجه ببيوتي بليندر رطبة ولازم تكون رطبة مو مبلولة ولا ناشفة، تبلليها بالموية وتعصريها مزبوط وراح تلاحظي إن حجمها تضاعف.
أستخدمها للدمج تعطي نتيجة ناعمة وجميلة جدا وتدمج كل شيء مع البشرة ولا كأني حاطة طبقات ميك اب لول

وبعدها أثبت المناطق اللي سويتلها هايلايت بالبنانا باودر من بن ناي
هي بودرة شفافة على لون أصفر خفيف، ناعمة جدا ماتعطي لون بس ماتخلي الكونسيلر يبين رمادي وتثبت وتنور تحت العين وماهي متكتلة أبدا.
أستخدم معاها فرشة سيقما F35 مخصصة للهايلايت وقصتها Tapered مناسبة تحت العين.
إذا حسيتي لون البودرة مو مناسبك فيه منها درجات، الأصفر يناسب البشرات المتوسطة.


Contour and Bronzer


بودرة ماك Mineralize Skin Finish Natural
أحسها أحلى بودرة مع الفاونديشن الثقيل لأنها جدا طبيعية وأوزعها بفرشة ريل تكنيك للباودر بشكل خفيف جدا لمجرد تثبيت الفاونديشن
والبرونزر من كارجو أوزعه بنفس هذا الشكل عالبشرة



بس عشان يعطي دفء ولون حلو للبشرة



الكونتور صايرة أسويه بالبودرة بشكل بسيط عشان أبين الملامح تحت عظمة الخد وعلى جوانب الأنف بس

وأخر شيء إضاءة لمعة فوق عظمة الخد ومرة أحب هالإضاءة Extra Dimension in Whisper of Gilt من ماك
للأسف هي ليميتيد بس يرجعوها كل فترة، تركيبتها بين البودرة وبين الكريمي كأنك حاطة لمعة مبلولة.


اللمسات الأخيرة


دايما أخر خطوة أدمج حدود الكونتور والبرونزر بفرشة ماك ١٨٧
وأثبت كل شيء بمثبت اربن ديكاي De Slick يتحكم بالدهون مافيه أي لمعة وفعلا يثبت الأساس وقت طويل


وهذه كانت كل خطوات الفاونديشن اللي أتبعها حاليا إن شالله حبيتو البوست واستفدتو منه :*



*
رابط فرش سيقما http://www.sigmabeauty.com/?Click=344682 
البنانا باودر والبيوتي بليندر طلبتهم من هذا الموقع http://camerareadycosmetics.com/

وإذا عندك أي إستفسار عن الفرش اللي ذكرتها تقدري تشوفي هذا البوست تكلمت فيه بالتفصيل عن كل فرشي المفضلة بالمكياج





Other places you can find me :)

4 comments:

  1. تسلمى يا جميل بس عندى استفسار ايه الفرق بين البرونزر والكونتور ؟
    مشكورة حبيبتى

    ReplyDelete
    Replies
    1. البرونزر لونه دافي يستخدم عشان يعطي دفء للبشرة كأنك متشمسة. الكونتور لونه بارد يستخدم عشان ينحت الملامح ويحددها.

      Delete
  2. This comment has been removed by the author.

    ReplyDelete
    Replies
    1. مدونتك جداً جميله ... استفدت منها كثير ... الله يعطيك العافية .. بس عندي استفسار الفكس بلس و مثبت اربن ديكاي نقدر نستخدمهم مع بعض
      ولا نكتفي بواحد فيهم ؟اذا استخدمناهم مع بعض النتيجه تكون حلوه ؟

      Delete

Related Posts Plugin for WordPress, Blogger...