طريقة الطلب من موقع سيقما + العروض والتخفيضات في الموقع Sigma Promotions | Black Friday & Cyber Monday Deals

فرش سيقما صراحة تعتبر جدا ممتازة! إذا طليتو على تدوينة فرشي المفضلة هنا راح تشوفو إنه أكثر من فرشة من اللي أحبهم وأستخدمهم بشكل دائم من سيقما.

الحلو فيها وهذا اللي خلاها تشتهر أكثر شيء إنها نفس شكل فرش أغلب ماك وبسعر معقول.

طبعا في البداية كانت أسعارهم مرة رخيصة دحين صارو يغلو أسعارهم مادري فين بيوصلو :/

عشان كذا صرت ماأطلب منهم إلا وقت العروض والتخفيضات،

 والأسبوع الجاي راح يكون فيه عرض البلاك فرايدي وتخفيضات يوم الإثنين مرة حلوة

حبيت أشرح طريقتها عشان اللي ناوية تطلب تستغل الفرصة ;)

هذا رابط موقع سيقما

Sigma Beauty | سيقما بيوتي



طريقة الطلب من الموقع:

١- بعد ماتتصفحي الموقع وتشوفي المنتجات اللي تعجبك
أدخلي على نفس المنتج وأضيفيه لسلة الشراء Add To Cart

٢- بعد ماتضيفي كل المنتجات اللي محتاجتها إضغطي على سلة الشراء من فوق يمين الموقع Shopping Cart
وسوي Checkout

٣- تحت سلة الشراء راح تلاقي المكان اللي تدخلي فيه أكواد التخفيض

إنسخي أي كود من اللي اللي راح أكتبها بعد هذه الجزئية وإلصقيه عند كلمة Coupon Code
وإضغطي على كلمة Apply

وراح يجيك إنه الكود هذا إتطبق تحت سلة الشراء مباشرة زي كذا

أنا مدخلة هنا كود تخفيض شهر نوفمبر وخصملي ٣.٨٠ دولار من سعر الفرش.


٤- بعد ماإخترتي كل المنتجات اللي تعجبك نجي لخطوة الشراء،
تحت السعر تلاقي كلمة New Customers إضغطي على Continue
أو إذا عندك حساب في الباي بال تقدري تسوي تشيك أوت عن طريقه

٥- تعبئة عنوانك.
سيقما عندهم شحن إنترناشونال ويشحنو مباشرة للسعودية عن طريق البريد السعودي
الشحن العادي الطلبية تاخذ وقت طويل ٤٠ يوم تقريبا
وقد مرة طلبت وإنتظرت شهرين تقريبا وماوصلت طلبيتي وراسلتهم وإعتذرو ورجعولي المبلغ :/
بس لو إخترتي الشحن السريع حيكون أغلى بس أضمن ويوصلك بوقت أسرع
وأنا أفضّل صندوق بريد أمريكي تشحني عليه وبعدين تشحنيه للسعودية
والخدمة هذه تقدري تسويها عن طريق أرامكس (شوب اند شيب)، ورلد شيب وغيرهم.
 ماراح أتكلم كثير عن هذه الجزئية بس لو عندك صندوق بريد أمريكي كملي بياناتك زي ماهي مكتوبة

اللي مأشر عليها ب * يعني مهم تكتبيها
 بالترتيب
إيميلك*
إسمك الأول*
لقبك*
الشركة
عنوانك*
المدينة*
الدولة*
الولاية*
صندوق البريد*
رقم الهاتف*

بعد ماتعبي بيانات الفاتورة سجلي بالموقع بس دخلي الباسوورد وإرجعي أكتبيها للتأكيد

تحتها بيانات الشحن إختاري copy billing to shipping
وراح ينسخلك نفس بيانات الفاتورة اللي كتبتيها

وتحتها تختاري طريقة الشحن

الفرق بينهم حسب سرعة التوصيل كل مازاد سعره تزيد سرعة التوصيل
أنا ماتفرق عندي السرعة فأختار ال USPS Priority Mail

٦- أخر خطوة طريقة الدفع
تحت payment إختاري Credit Card

أول شيء تختاري نوعها إذا فيزا أو ماستر كارد أو أميريكان إكسبرس *يقبل الكريدت الدولية*
ثاني خانة تدخلي رقم الكريدت
الثالثة تكتبي إسمك زي ماهو مكتوب عالكريدت
الرابعة تكتبي تاريخ إنتهائها المكتوب عالبطاقة الشهر والسنة
أخر خانة تحطي رمز الأمان حق البطاقة مكون من ٣ أرقام وموجود ورا البطاقة

وبس كذا كل أمورك تمام شيكي عالأوردر وإذا أوكي إضغطي على Place Order

وإنتظري كم يوم ويرسلولك عالإيميل إنه الأوردر إنشحن ورقم الشحنة اللي تتبعيها



اكواد التخفيض

- Monthly Promotion

أول شيء عندك كود التخفيض الشهري ١٠٪
وهذا على طول السنة موجود بسيقما ودايما كل شهر أنا أنزله بالبنر في يسار البلوق و على تويتر (@WafaA7med)

تضغطي عالبنر يوديك للموقع وتشتري بنفس الطريقة اللي شرحتها
وعند الكوبون كود تدخلي الكود المكتوب عالبنر
وكود شهر نوفمبر NOV2013


Black Friday Deals 

ثاني كود تخفيض وهو حق البلاك فرايدي *أغلب المواقع الأمريكية تسوي عروض وتخفيضات بهذا اليوم وهو أخر جمعة بشهر نوفمبر بعد عيد الشُكر*
راح يكون لمدة يومين إبتداءً من يوم الخميس ٢٨ نوفمبر الساعة ١٢ منتصف الليل بتوقيت أمريكا ولحد الجمعة ٢٩ نوفمبر ١٢ منتصف الليل بتوقيت أمريكا *راعو فرق الوقت بينا وبينهم*
لازم تدخلي الكود بنفس هذه الفترة مو قبل ولا بعد، والكود يسويلك شحن مجاني على كل الطلب
عند خانة الكوبون كود إنسخي BF2013



Cyber Monday Sales

ثالث عرض وهو يوم الإثنين
وقته بالزبط يوم ٢ ديسمبر الساعة ١٢ منتصف الليل ولحد ١١:٥٩ بالليل بتوقيت أمريكا
حيكون فيه خصم على منتجات معينة وهذه هي مع أسعارهم (اللي بين قوسين هو السعر بعد التخفيض)

Brushes

E11: $12 ($9.60)
E16: $12 ($9.60)
E17: $12 ($9.60)
E21: $12 ($9.60)
E36: $12 ($9.60)
E46: $12 ($9.60)
E47: $12 ($9.60)
E56: $12 ($9.60)
P80: $18 ($14.40)
P82: $18 ($14.40)
P84: $18 ($14.40)
P86: $18 ($14.40)
P88: $18 ($14.40) 

Basic Eyes Kit: $69 ($55.20)
Make Me Crazy Essential & Travel (with colored ferrule): $155 ($124)/$75 ($60)
Make Me Cool & Travel (with colored ferrule): $155 ($124)/$75 ($60)
Make Me Blush & Travel (with colored ferrule): $155 ($124)/$75 ($60)
Mrs. Bunny Essential & Travel (with colored ferrule): $155 ($124)/$75 ($60)

Brush Care 

Spa Glove – Aqua/Pink/Purple/Black: $35 ($28.00)
Dry’N Shape: $32 ($25.60)
Classic Brush Roll: $17.60 ($14.08)

Makeup 

Dare Eye Shadow Palette: $29 ($23.50)
Flare Eye Shadow Palette: $29 ($23.50)
Paris Makeup Palette: $49 ($39.20)
Individual Eye Shadows (all): $11 ($8.80)
Eye Shadow Bases Kits: $36 ($28.80)

Accessories

Brow Tweezer: $11 ($8.80)
Mirrors (all): $15 or $16.20 ($12.00 or $12.96)

CM2013 إذا كنتِ حابة تطلبي أي منتج من هذه المنتجات إطلبيها يوم الإثنين ودخلي الكود 

 وراح يخصملك السعر

اللي خايفة تنسى اليوم أو ماتلحق أنا راح أسوي تذكير أول مايبدأ العرض بتوقيت السعودية حق يوم الجمعة ويوم الإثنين بتويتر إن شالله

وطبعا ماينفع تحطي كودين مع بعض لازم تختاري واحد بس

إن شالله تكونو إستفدتو من التدوينة وأتمنالكم تسوق ممتع بموقع سيقما
واللي تستفيد من العرض بليز تسويلي منشن بتويتر أو إنستغرام وتوريني إيش إشترت :*

❤❤❤

Twitter | Instagram | Email