الأسبوع الماضي دُعيت من بنفت لحضور إيفنت حماسي عن منتج جديد نزلوه بالتعاون مع سوارفسكي وهو Bling Brow
وكان الإيفنت من تقديم خبير بنفت العالمي للحواجب Jared Bailey شخصيته جدا مرحة وحبوب جدا إنبسطنا في الإيفنت والعشا اللطيف اللي كان بعد الإيفنت وإتعرفنا أكثر على تيم بنفت مع البلوقر الكويتية الجميلة دلال والفلوقر جيز شيري متأكدة كلكم تعرفوهم *-*
الإيفنت كان في Cavalli Club
شوفنا مؤخرا بعروض الأزياء حواجب لميعة وجريئة وبنفت كملو هذه الموضة ونزلو البراو بلينغ وراح يكون موجود بشهر نوفمبر تقدري تشتري الكت بنفسك وتعمليها في البيت أو تروحيلهم بالبراو بار (راح أتكلم عنه بعد شويه) ويعملولك الخدمة.
البراو بلينغ طبعا مو لكل الناس ولا لأي وقت! للجريئات أو اللي تحب تسوي تغيير Just for fun خصوصا لو بحفلة مع صحباتك يطلع شكلها كيوت وحبيتها أكثر لما شوفت أغلب اللي بالإيفنت عاملينها وجارد كمان عجبتني عليهم لوول
في البداية جارد شرحلنا بشكل مبسط عن البراو بلينغ وورانا طريقة بنفت بتنظيف الحواجب..
وهنا النتيجة وطريقتهم بتزبيط الحواجب مرة طبيعية ومايغيرو شكل الحاجب بس مجرد ترتيب.
البراو بلينغ عبارة عن كرستالات سوارفسكي تلصق لوحدها عالبشرة بدون غرا وممكن تثبت لمدة ٣ أيام إذا ماحركتيها أو مسكتيها كثير.. وطبعا إذا حبيتي تشتري الكت مو شرط تستخدميها بس للحواجب! تقدري تستخدميها للوجه أو الجسم حسب ماإنتي حابة بس الخدمة اللي بالبراو بار في بنفت بس يعملوها للحواجب.
بعد كذا ورانا كيف طريقة تركيبها جدا سهلة بالملقط تشيليها وتثبتيها بالمكان اللي حابته وتضغطي بشكل بسيط بإصبعك عشان تتأكدي إنها ثبتت،، وعمل كذا ديزاين عالموديلز.
حتى مخدات بنفت عليها كريستلات سوارفسكي p;
هذا كان يوم الإيفنت واليوم الثاني زرنا بوتيك بنفت براو بار بسيفورا السيتي وواك وهو الفرع الوحيد في دبي حتى الآن بس خدمة البراو بار موجودة بكل فروع سيفورا في دبي وقريبا بالرياض وجدة.
المكان شكله كيووووووووووت :( الديكور مرة يجنن وso Benefit
وعندهم كذا خدمة مو بس حواجب ويعتبرو كأنهم ميني صالون بوسط سيفورا
تقدري طبعا تجربي منتجات بنفت عندهم وتعملي مكياج وتركيب رموش
يعملو تان للجسم ويدوم ٧ أيام وواكس لكل الجسم وعندهم غرفة خاصة.
أنا ودلال وجوجو عملنا حواجبنا وورونا الطريقة الصح لرسم الحواجب
وهذه أسعار الخدمات إن شالله تكون واضحة
وهنا فروع البراو بار بالإمارات (البراو بار بس مخصصين للحواجب مو نفس اللي بالسيتي وواك)
والقودي باق الجميلة من بنفت وسوارفسكي وLipsy
والبلاشر الجديد كمان راح ينزل بنوفمبر تركيبته جميلة كريم تو باودر لسا ماجربته بس متحمستله وإن شالله راح أكتب عنه *-*
إن شالله عجبتكم التغطية وأعتذر عن سوء جودة بعض الصور :(
وشكرا جزيلا بنفت على الدعوة الجميلة قضيت وقت أكثر من رائع ♥♥
No comments:
Post a Comment