Wednesday, October 8, 2014

Korean Beauty Reviews @LenoShop تجربتي للمنتجات الكورية من متجر لينو شوب






المنتجات الكورية صراحة دايما أقرأ عنها وتغريني! xD
مرة جربت أطلب بس ارامكس مايوصلو مكياج من الدول الآسيوية وأتلفت شحنتي وبعدها مارجعت طلبت :(
بس أخيرا قدرت أجرب كم منتج وصلوني من فترة من متجر لينو شوب حبيت أخذ وقتي وأنا أجربهم عشان أكتبلكم تجربتي بالتفصيل والمنتجات كلها كانت من إختياري.

رابط الموقع


 حسابهم عالإنستقرام والتويتر

@LenoShop






 طلبي وصلني بعلبة كيوت ومرتبة
والمتجر متنوع وعندهم ملابس وفساتين كيوت وملابس أطفال وإكسسوارت ومنتجات عناية للبشرة بس أنا لا شعورياً انجذب لمنتجات التجميل والشعر دايما لول
أسعارهم بشكل عام جداً معقولة 
وخدمتهم رائعة حقيقة والشحن سريع.


راح أبدأ ريفيو لمنتجات الشعر 

Miseenscene Volume Curling Essence 2X خلاصة التجعيد المقوى



جداً أبهرني هذا المنتج! *.*

أنا ماقريت عنه صراحة بقولكم إيش اللي حسيته من تجربتي.
هو كريم كأنه كريم مرطب عادي للشعر، أنا توقعت بما إنه مثبت للكيرلز بيكون زي الموس أو الجل بس طلع لا كريم غير دهني خفيف وريحته لذيييذة لما تحطيه عالشعر يثبت ويخفف النفشة ويرتب الكيرلز بشكل جمييل ولا أحس إني حاطة شيء يعني ماينشف الشعر زي الجل أو الموس..
إذا شعرك اولريدي كيرلي أنا أحطه بعد الشاور وأفغص شعري كذا مادري كيف أوصف الحركة لووووول
وبعدين أجففه بالسشوار عالبارد مو حار أو أخليه ينشف عادي.
يخلي كل لفة بيرفكت كذا لوحدها مرتبة xD وتجلس الكيرلز بدون نفشة حتى بالحر.

إذا شعرك أصلا ناعم مو كيرلي شوفي بالفيديو سوي نفس طريقتها حطيه ولفي شعرك وجففيه وراح يعطيك ويفي حلو  ويثبت وقت طويل بدون نفششششة مرة ريحني هذا الشيء ومرررة أنصحكم تجربوه وأهم شيء أعطي شعري بريك من الأدوات الحارة :(

هذا الفيديو للمنتج



أخواتي جربوه وعجبهم كمان وناوية أطلب منه زيادة لي ولهم *-*

سعره 55 ريال



Miseenscene Perfect Treatment Pack كريم معالج بيرفكت للشعر




هذا ماسك مرطب للشعر تستخدميه بعد الشامبو بالشاور وتغسليه..
ترطيبه مررررة عالي ويخلي الشعر مترطب وملمسه صحي ومن مكوناته زيت الارغان والزيتون والكاميليا وجوز الهند.. وريحته تجنن > مرة مهمة ريحة منتجات الشعر عندي لول

.سعره 39 ريال تقريبا نفس أسعار ماسكات الصيدليات وأفضل منهم بكثير


منتجات المكياج

Etude House Nymph Aura Volumer كريم لإضاءة البشرة








السواتش كالعادة مو مبين زي في الحقيقة :( 

هذه الإضاءة شوفت عليها مدح كثير ومرة حبيت أجربها!
فيه منها نوعين واحد شفاف وجاي بدون ذرات شيمر بس لمعة ديوي زي لمعة الفازلين بس خفيفة مو دبقة
تقدري تخلطيها مع الأساس أو البيبي كريم وتحطيها بس عالمناطق اللي تحبي تكون ديوي زي أعلى الخدود مثلا
إذا بشرتك جافة/مختلطة/عادية راح تدمنيييها مرة بتعجبك لأنها بتخلي وجهك يبين صحي وفيه نضارة نفس نضارة بشرات الكوريات :(
الدهنية تقدري تستعمليها إذا تحبي هذا اللوك بس ممكن بعد كم ساعة تخلي بشرتك تبين دهنية بزيادة.

النوع الثاني بلون صدفي تقريبا مو مايل للفضي ولا الذهبي بالنص وفيه شيمر خفييف ومو دبق 
 ينفع بالسهرات توزعيه على مناطق الهايلايت يعطيك لمعة ناااعمة ومرتبة مرة تشبه هايلايتر بينفت السائل هاي بيم.

سعرها 79 ريال 



Etude House Lovely Cookie Blusher  أحمر خدود لوفلي كوكي







- تعديل -
هو عبارة عن بلاشر وروج أنا كنت أحسبه مرطب شفايف وكنت أستخدمه على هالأساس لوول
جربته قبل شويه كبلاشر جميل ولونه ناااعم بس راح أجربه زيادة وأختبر ثباته وأكتب عنه بالإنستجرام إن شالله.


سعره 39 ريال



Holika Holika Heartful Moisture Lipstick أحمر الشفاه القلب







أعترف خرفني شكله :( لوول

يعتبر روج كريمي ويرطب الشفايف بشكل عالي لأن مكوناته مجموعة من خلاصات الزيوت (البرتقال الحلو، الفواكة والعنب، الزيتون) ويعطي لون حلو وثابت.
ريحته جميلة ومرررة عجبني تقريبا الفينيش حقه نفس أرواج ماك كريم شين مو غلوسي ولا مطفي بس كريمي شويه بدون لا يدبق.
ينفع للإستخدام اليومي واللون اللي فيه تغطيته وسط مو عالي.

سعره 39 ريال



Holika Holika Pro Beauty Lip Attention أحمر شفاه برو بيوتي اتنشن







هذا عبارة عن Lip Stain أو روج سائل ثابت مطفي. إذا جربتو نفس هذا النوع من ماركة سيفورا أو لايم كرايم مثلا هو نفس الفكرة.
يعطي لون قوي ومطفي وثابت وقت طويل مايروح إلا بمزيل مكياج.
جميل وماينشف الشفايف بالعكس وريحته على ورد. اللي عندي لون وردي وعلى مشمشي ولفتني اللون الغامق أفكر أطلبه *-*

سعره 52 ريال



 بيوتي برو روج Holika Holika Pro Beauty Tinted Rouge 




هذا 3x1 عبارة عن روج ملون ومرطب وغلوس
بالمختصر المفيد بديل مثالي لروج إيف سان لوران Glossy Stain 
مرة عجبني نفس الروج اللي قبل يعطي لون ثابت بس فيه لمعة وترطيب مو مطفي واللون تقدري تخففيه ويعطي الشفايف تورد بسيط أو تقدري تزيديه ويبين قوي.
 أنا أحبه للإستخدام اليومي أوزعه عالشفايف وبعدين أطبطب عليه بإصبعي عشان يعطيني لون خفيف
 ويطلع جميل وثابت طول اليوم بدون لا ينشف الشفايف.

سعره 49 ريال



طريقة الشراء

التوصيل للرياض عن طريق مندوب وباقي مدن المملكة وخارج المملكة والدول العربية عن طريق فيدكس أو خليج إكسبرس لدول الخليج، عندهم خيارات للدفع عن طريق باي بال أو تحويل بنكي أو الدفع عند الإستلام للرياض فقط.



إن شالله حبيتو الريفيو وقولولي لو جربتو أي منتج كوري وعجبكم عشان أجربه *-*



❤❤

Twitter | Instagram | Email



1 comment:

  1. حبيت منتجات الشعر والبخاخ اللي يعطي لوك ديوي
    تتهني فيهم وتستاهلين ياختي

    ReplyDelete

Related Posts Plugin for WordPress, Blogger...