Wednesday, November 26, 2014

Brushes Haul ❤ Sigma | Zoeva | Nars and More.. مشتريات فرش






أنا صراحة أعشق شيء إسمه فرش ميك اب!
حتى لو كان عندي فرش كثير أشوف إني أستخدمها وأستفيد منها كلها خصوصا وإني أشتغل ميك اب مو بس إستخدام شخصي.
ولوك الميك اب ممكن أستخدم فيه باليت شدو وحدة وفاونديشن واحد بس ٥٠ فرشة xD
طبعا أتعب وأطفش لمن أغسلها بس إتز أوكي إذا تريحني بالميك اب أنا راضية.
وأبدا مو قصدي إنو لازم كل وحدة يكون عندها ٥٠ فرشة بس هذه وجهة نظري واللي يريحني شخصيا ويعتمد حسب لوكاتك بالميك اب ممكن اللي ماتحط ميك اب كثير مستحيل تحتاج كمية كبيرة من الفرش وتكتفي بفرشتين أو ثلاثة حسب إستخدامك.

بوريكم اليوم إيش أخر فرش إشتريتها من زويفا وسيقما ونارس…




حأبدأ أول شيء بسيقما



أخذت أخر فرشة نزلوها للفاونديشن اللي هيا

3DHD كابوكي برش
زي فلات كابوكي المعروفة بس جاية بزاويتين وفكرتها إنو توزعي الفاونديشن بكل زوايا الوجه بدون ماتسوي تعبيرات وكذا المهم قد تكون مالها داعي بس حبيت أجرب وأقدر أعملكم ريفيو إذا حابين أنا متحمستلها للكونتور كمان أحسها حلوة..

الفرشة الثانية F64 
إسمها سوفت بليند كونسيلر أنا من أول كنت حابتها بس نسيت أطلبها أخر مرة وطلبتها هالمرة تستخدم لتوزيع الكونسيلر والباودر تحت العين وأكيد مو شرط تستخدمي الفرشة زي ماهم كاتبين أحسها كمان تنفع للكونتور وأشياء ثانية.

الفرشة الثالثة E40
أي وحدة بتطلب من سيقما لازم تطلب هالفرشة عندي منها وهذه المرة الثالثة أطلبها أحسها مرة تنفعني بالشدو وتدمجه بسهولة بدون تعب ودايما أحب يكون عندي أكثر من فرشة دمج عشان يكون الشغل نظيف. 

رابط موقع سيقا 


يشحن دولي ويقبل فيزتنا
وعروض سيقما للبلاك فرايدي راح يكون يومين شحن دولي مجاني 
إبتداءً من ٢٧ نوفمبر إلى ٢٨ نوفمبر (بتوقيت أمريكا) 
والكود BF2014 على نفس الرابط اللي فوق.

عروضهم للسايبر منداي راح يكون ٢٠٪ خصم لكل الموقع لمدة يوم واحد فقط ١ ديسمبر يوم الإثنين (بتوقيت أمريكا)
والكود CM2014 على نفس الرابط اللي حطيته.

هنا شرح لطريقة الطلب وإستخدام الكود نزلته السنة اللي فاتت


وسيقما عندهم هدايا مع الطلبات ممكن تكون عينة شدو أو منظف فرش صغير أو فرش صغيرة.


طلبي من موقع بيوتي


NARS Kabuki Yachiyo Brush


قبل أسبوعين تقريبا موقع بيوتي عملو تخفيض ٢٠٪ على كل الموقع وأنا جلست أدور وأحوس بالموقع أتذكر أشياء أبغاها إلا بطلع شي لوول وإفتكرت فرشة نارس دايما كنت أبغاها بس حسيتها غالية شويه عشان كذا إستغليت التخفيض،
إسمها ماأعرف كيف ينطق وراح أسميها كابوكي وخلاص :\

هذا النوع من الفرش اللي يجيك بيضاوي تكون ملتي تاسك تسوي أكثر من شيء ممكن تستخدم للباودر والبلاشر والهايلايت والكونتور وقريت عنها ريفيوز كلها ايجابية،، صناعتها يابانية وجودتها ممتازة وكثير قعدت عندهم بالسنوات بنفس الجودة.
شعر الفرشة مرة ناعم وشكلها مختلف أنا مرة حابتها ومتحمسة أجربها.


ومن موقع بيوتي كمان إفتكرت إني لازم أبدل فرشة كليراسونك وأخذت الفرشة لتنظيف العميق للمسام

CLARISONIC Deep Pore Brush Head 



الأراء متضاربة حول هذه الفرشة اللي يقول إنها مرة خربت بشرته وطلعت حبوب وفيه ناس تقول إنهم ماحبو الكليراسونك إلا منها ومرة تنظف بعمق.
أنا بشرتي دهنية ومو حساسة وعندي مسام وتحتاج تنظيف عميق عشان كذا أخذتها وبجربها وأضيفها لريفيو كليراسونك اللي مادري كم صارلي أوعدكم فيه :*

سعرها عندنا بمحل سيفورا ١٤٥ ريال أظن بس أخذتها بالتخفيض من الموقع طلعت ١٠٠ ريال تقريبا

رابط موقع بيوتي


من المواقع البطلة اللي توفر كثير ماركات ميك اب وتقدري تطلبي منه ومن موقع درق ستور بسلة وحدة..
أنا أشحن على صندوق بريدي الأمريكي وفيزتي الراجحي تسوق وأحط الشيبينغ نفس البيلينغ وماأستخدم الباي بال وزبطت معايا الطريقة أكثر من مرة، وبالنسبة للعروض حاليا ماعندي فكرة إيش عروضهم بس أنا دايما أنزل في إنستقرام لو عرفت أي عروض أو تخفيضات.



طلبي من زويفا Zoeva Brushes



زويفا ماركة المانية تقريبا تنافس سيقما بس عندي إحساس أنها بتكون أفضل منها *-*
أسعارهم معقولة وشكل الفرش فخم وتغليفهم مرة مرتب وكل فرشة جاية مغلفة لوحدها مع شنطة كبيرة.
ملمس الفرش ناعم بشكل خيالي ومسكتها حلوة ومبينة جودتها عالية.

كالعادة أنا لمن أطلب فرش مستحيل أخذ Set أحب أختار الفرش اللي أحتاجها وإخترت ٦ فرش:

100/Luxe Face Finish
 فرشة كبيرة للوجه ناوية أستخدمها للبرونزر ماعندي أي فرشة بهذا الشكل.

126/Luxe Cheek Finish
حسيتها بديلة لوحدة من فرش توم فورد p; تستخدم للبلاشر.

109/Luxe Face Paint
تستخدم للكونتور الباودر أو الكريمي وحجمها حلو أقدر أستخدمها للوجه أو الأنف مرة متحمستلها.

234/Luxe Smoky Shader 
هذه تشبه فرشة ماك ٢٣٩ المسطحة حبيت أجربها وأقارنهم وكمان أحتاج فرش توزيع للشدو عشان كذا أخذتها وشكلها بتكون بطلة.

227/Luxe Soft Definer
you can never have too many blending brushes! ;)
.وهذه قريبة من فرشة ماك ٢١٧ وطبعا فرق السعر إن شالله أفكر أعمل ريفيو لفرش زويفا إذا حابين قولولي.

228/Crease
هذه تشبه فرشة سيقما e40 اللي فوق بس جاية ملمومة أكثر وpointed حسيتها بيرفكت للكسرة ومرة شعرها ناعم.

الأسعار تلاقوها بالموقع.

رابط الموقع
الموقع ألماني ومن اليسار فوق تقدري تختاري اللغة إنجلش،،
تسجلي فيه وتختاري الفرش اللي تحتاجيها وبعدين تسوي تشيك اوت بسهولة بس تعبي بياناتك وإسمك وعنوانك،
يشحنو لجميع دول العالم ويقبل فيزتنا والباي بال.
أنا حقيقة شحنتها لعنواني بأرامكس في ألمانيا خفت أشحنها دايركت للسعودية مع إن صحبتي تقول طلبتها دايركت ووصلتها في أقل من أسبوعين وإن شالله المرة الجايه بشحنهم دايركت وأجرب.

وماعندي فكرة عن أي عروض لهم وماأتوقع راح يكون فيه عروض بلاك فرايدي بس لو عرفت أكيد راح أنزل بإنستقرام.



Benjabelle Daisy Brush Tree

من متجر @GlamourBeautySa بالإنستقرام



هو زي الشجرة على قولتهم تحطي فيه الفرش بعد ماتغسليها عشان تنشف بشكل عامودي لتحت وهذه أفضل طريقة لتنشيف الفرشة عشان ماتدخل المويه جوا الفرشة وتعدمها.

هذه صورة للمنتج من النت عشان توضح الفكرة


اللي عندي بينك كيوت :*
بنزل صورته بإنستجرام أول ماأستخدمه.






❤❤

Twitter | Instagram | Email


3 comments:

  1. اختي الكريمه تشكرين على هالمدونه الرائعه ، أنا بشحن مباشر من موقع زويفا لكن مطلوب رقم المنزل و إحنا مو مرقم البيت و عل يكفيرقم الجوال و الايميل و المدينه

    ReplyDelete
  2. عفوا اقصد هل يكفي رقم الجوال و الايميل و اسم المدينه

    ReplyDelete
    Replies
    1. حطي عنوانك كامل زي ماقلتي وإسم الحي والشارع وأظن رقم البيت مو ضروري بس تواصلي معاهم عشان تتأكدي.

      Delete

Related Posts Plugin for WordPress, Blogger...