Sunday, December 14, 2014

Benefit Majorette Swatch & Review ❤ ريفيو بلاشر ماجوريت من بنفت





أعتقد من الريفيوز اللي عملتها مسبقاً لماركة بنفت صرتو تعرفو رأيي بالماركة عموما! :)
منتجاتهم مميزة مااشوفها مكررة بكثير ماركات وجودتهم حلوة مع تعليب كيوت وجذاب.
اليوم الريفيو راح يكون لمنتج نزل مؤخرا عندهم بشهر نوفمبر وإستخدمته وجربته فترة عشان أكتب تجربتي عنه..


Benefit Majorette

هو عبارة عن بلاشر كريمي على باودر يعطي الخدود لون بنكي على مشمشي طبيعي جدا ومناسب لكل البشرات،
فيه ريحة حلوة خوخ على رمان وتقدري توزعيه عالخدود لوحده أو تحت البلاشر الباودر يقوي اللون ويثبته أكثر..

طريقة توزيعه سهلة جدا ممكن توزعيه بأصابعك أو بإسفنجة زي بيوتي بليندر تدمجه بشكل مرة جميل مع البشرة
أو فرشة ستيبلينغ زي ماك 130 أو ELF Small Stippling Brush



اللون مرة حبيته وعملي يبين حلو مع كثير ألوان مكياج ومرة جميل بالصباح مع مكياج ناعم.
وقوام وتركيبة البلاشر نفسها زي ماكتبت كريمي على باودر أول ماتوزعيه تحسيه كريمي وسلس يندمج بسهولة بعدين يثبت ويصير باودر عالبشرة ومايدبق أو يسيح زي البلاشر الكريمي العادي،
لونه مطفي مافيه أي شيمر واضح بس يعطي زي نضارة بسيييطة كونه شويه على كريمي.
من أول طبقة يبين طبيعي وناعم مو قوي وثباته متوسط ٤-٥ ساعات
بس إذا حطيتي طبقتين يبين أقوى ويزيد ثباته إلى ٦-٧ ساعات تقريبا



التعليب مرة كيوت! *-* ومن الأشياء اللي مااقدر أحطها بالدرج it should be displayed ;p

وفيه مراية صغيرة وتجي معاه من جوا زي الغطا البلاستيك أنصحك تخليه عشان تحافظ عليه ماينشف مع الوقت مع إنهم مو كاتبين إنه ممكن ينشف بس نخليه إحتياط xD



هذا سواتش له طبقة وحدة 



سعره ١٣٠-١٥٠ ريال ماافتكر بالزبط وبنفت متوفرة بالمملكة بكل فروع سيفورا ودبنهامز وأغلب محلات وجوه.





❤❤

Twitter | Instagram | Email


No comments:

Post a Comment

Related Posts Plugin for WordPress, Blogger...