هالفاونديشن بالذات من سنييييين أسمع عنه باليوتيوب ومن كثير قنوات أتابعها خصوصا تانيا بير دايما يمدحوه وبعضهم يقولو عنه أحلى فاونديشن عندهم بس ماكنت مهتمة له بسبب إسمه والوصف اللي كاتبينه بالموقع!
إسمه يوحي إنه تغطيته خفيفة وديوي ولمن جربته طلع غير!
كاتبين عنه بالموقع:
فاونديشن بتغطية خفيفة وطبيعية وتقدري تتحكمي فيها، يوحد لون البشرة ويعطي إضاءة ونضارة للبشرة..
بتركيبته مكونات تعطي نعومة وترطيب للبشرة وحتى لو أستخدم كل يوم راح يحسن من ملمس البشرة.
يحتوي على مضادات أكسدة وغير معطر.
ينصح فيه للبشرات الجافة والعادية بس أنا بشرتي مختلطة/دهنية وناسبني وراح أتكلم عن تجربتي بعد شويه.
سعره:
٤٥دولار
أماكن تواجده:
بمواقع أونلاين زي موقع نارس ونوردستورم وبيوتي، وأغلب محلات سيفورا خارج المملكة (قلب مكسور)
متوفر ب ٢٠ درجة بأندرتونز مختلفة وردي، أصفر ومشمشي الكل يقدر يلاقي درجة مناسبة له..
سواتش للدرجات من النت:
أنا جربت بالمحل ٣ درجات وأكثر درجة إندمجت معايا وكانت بيرفكت درجة برسلونه،
لونها قريب من درجات ماك nc35 - nc37 وأندرتونها أصفر.
تقدرو تعملو بحث لأي درجة فاونديشن حابة تطلبيه أون لاين بدرجتك بفاونديشن ماك لأنه تقريبا كثير يستخدموه ومعروف أو ممكن أي فاونديشن ثاني عندك على هذا الموقع
موجودة كثيير ماركات بس تدخلي الماركة ودرجتك فيها إذا كانت مناسبتك والأفضل تحطي أكثر من فاونديشن وتسوي بحث وتطلعلك كل الدرجات المقاربة لك.
تجربتي مع الفاونديشن:
جدا جدا عجبني!!! تغطيته متوسطة إلى عالية عكس مو كاتبين عنه شير! بس برضو إنتِ تتحكمي بالتغطية تخففيها أو تخليه فل كفرج ويغطي.
ومو ديوي بشكل يلمع بالعكس فيه نضارة طبيعية يبين بشرتك صحية والفينيش تقريبا ساتين مو مطفي ولا ديوي وهذه المميزات هي اللي دايما أحبها بالفاونديشنز.
ملمسه وإحساسه عالبشرة ناعم وخفيف ماتحسي إنك حاطة فاونديشن ثقيل مع إن تغطيته حلوة.
مثااالي بالتصوير والمناسبات!! مرة يطلع جميل ويبين البشرة فلولس على قولتهم.
تقدري تستخدمي معاه بيوتي بليندر أو فرشة بفنغ أو أصابعك ويطلع حلو ويندمج تمام بكل الحالات.
ثباته عالي بجميع الأوقات بس لو كنتِ طالعة برا بجو حار ممكن يحتاج تتش اب شويه.
برأيي يناسب أغلب البشرات بس لو بشرتك جافة جدا يحتاج مرطب قوي قبله ولو بشرتك دهنية بزيادة يحتاج تثبتيه بالباودر مزبوط أو جربي شير مات من نارس اللي هو تقريبا نفسه بس مطفي.
راح أعتمده بالإيفنتات والمناسبات أكثر شيء والأوقات اللي أبغى تغطية عالية بس طبيعية وتبين بشرتي حلوة.
عيوبه:
علبته غبية جدا! ومايجي مع ضغاط ولازم تشتريه لوحده وللأسف مالقيته بالمحل ومضطرة أطلبه أون لاين بسعر ٦ دولار غير سعر الشحن :\ معصبني الموضوع مرة لول
وشوفو كيف العلبة إذا جيت بقفلها تتلف زي كذا مااعرف ليش ترى لمن صورته فوق ماكان مقفول مزبوط
المهم نصيحة لا تطلبيه بدون الضغاط أبداً مرة ينرفز وتخسري كثير من المنتج،
ماأعرف ليش مايبيعوه مع ضغاط وخلاص بدل هالحوسة وسعره أصلا مو رخيص :\
وبس هذا العيب الوحيد ولا المنتج نفسه ممتاز ياليت يغيرو تعليبه.
No comments:
Post a Comment